Kjartan Már meiddist illa á hné og verður frá næstu mánuði

Miðjumaðurinn tvítugi Kjartan Már Kjartansson, leikmaður Brann í Noregi, meiddist illa á hné á æfingu með U21 landsliði Íslands en þetta kemur fram á heimasíðu Brann.

Kjartan hefur þegar gengist undir aðgerð og segir að hún hafi tekist vel. Endurhæfingaferlið sé hafið en hann verður frá næstu mánuði.

Kjartan verður því ekki með U21 landsliðinu sem spilar umspilsleiki við Grikkland í næsta mánuði um sæti á HM.