Man Utd fylgist með Beljo - Hægri bakverðir í sigti Liverpool

Manchester United, Tottenham og Everton fylgjast grannt með Dion Beljo (24), sóknarmanni króatíska liðsins Dinamo Zagreb. Króatíski landsliðsmaðurinn er 1,95 metrar á hæð. (Teamtalk)

Chelsea er reiðubúið að bjóða hollenska miðjumanninum Frenkie de Jong (29) hjá Barcelona mjög rausnarlegan samning ef félaginu tekst að fá hann í janúar. (Football Insider)

Liverpool vill fá hægri bakvörð og á meðal þeirra sem félagið hefur í sigtinu eru franski landsliðsmaðurinn Pierre Kalulu (26) hjá Juventus og Brasilíumaðurinn Wesley Franca (23) hjá Roma. (Tuttomercato)

Thomas Frank, fyrrum stjóri Brentford og Tottenham, þykir líklegur arftaki Alvaro Arbeloa hjá Fulham ef félagið ákveður að reka hann. (Talksport)

Dvöl spænska varnarmannsins Pedro Porro hjá Tottenham (27) fer líklega að ljúka en Barcelona hefur mikinn áhuga. (Sport)

Arsenal og Chelsea fylgjast bæði grannt með Andy Diouf (23) miðjumanni Inter í Mílanó og franska landsliðsins. (Caught Offside)

Brighton, Tottenham, Juventus, Atletico Madrid og Borussia Dortmund eru á meðal þeirra liða sem hafa áhuga á portúgalska hægri bakverðinum Daniel Banjaqui (18) hjá Benfica. (4-4-2.ch)

Argentínski sóknarmaðurinn Julian Alvarez (26) leitar sér að nýjum umboðsmanni. Hann sleit samstarfinu við Fernando Hidalgo í kjölfar þessað hann fékk ekki skipti til Barcelona í sumar. (Mundo Deportivo)

Bayern München hefur áhuga á Dani Olmo (28) leikmanni Barcelona en íþróttastjóri Bayern, Max Eberl, vann áður með þessum spænska miðjumanni hjá RB Leipzig. (Fichajes)