Manchester United tók á móti Manchester City í Leigh í hádegisleik ensku ofurdeildarinnar. Manchester United var fyrir leikinn í toppsæti deildarinnar og City í fimtma sætinu.

City leiddi með tveimur mörkum í leikhléi en á 54. mínútu minnkaði Tobin Heath muninn með góðu marki sem má sjá hér að neðan. Það var svo Kirsty Hanson sem jafnaði metin tuttugu mínútum seinna. City hélt boltanum betur í þessum leik en United liðið átti tvöfalt fleiri skot á markið.

United er með 17 stig í efsta sæti en arsenal og Chelsea geta náð toppsætinu með þeim leikjum sem þau lið eiga inni. City er með tólf stig.