Það voru tveir leikir í A-deild Kjarnafæðismótsins fyrir norðan þennan laugardaginn.
KA spilaði við Völsung og þar voru tveir Húsvíkingar í liði KA á skotskónum gegn sínum gömlu félögum. Ásgeir Sigurgeirsson skoraði tvisvar í fyrri hálfleik og var staðan 2-0 í hálfleik fyrir þá gulklæddu.
Þorri Mar Þórisson gerði þriðja mark KA og svo batt Húsvíkingurinn Elfar Árni Aðalsteinsson lokahnútinn á 4-0 sigur KA með marki á 74. mínútu.
KA er búið að vinna fyrstu þrjá leiki sína í Kjarnafæðismótinu; liðið er búið að vinna sinn riðil með fullt hús stiga. Völsungur er án stiga eftir tvo leiki.
Þá vann lið KA 2 endurkomusigur gegn Dalvík/Reyni í hinum riðlinum í A-deild. Staðan var 1-0 í hálfleik fyrir DalvíK/Reyni en KA 2 kom til baka í síðari hálfleik og vann leikinn.
Í riðli 2 er Þór á toppnum með sex stig og koma KF og KA 2 þar á eftir með þrjú stig. Dalvík/Reynir er búið að leika alla þrjá leiki sína í riðlinum og er liðið án stiga.
Riðill 1
KA 4 - 0 Völsungur
1-0 Ásgeir Sigurgeirsson ('11)
2-0 Ásgeir Sigurgeirsson ('29)
3-0 Þorri Mar Þórisson ('66)
4-0 Elfar Árni Aðalsteinsson ('74)
Riðill 2
Dalvík/Reynir 1 - 2 KA 2
1-0 Jóhann Örn Sigurjónsson ('27)
1-1 Gunnar Berg Stefánsson ('59)
1-2 Valdimar Logi Sævarsson ('65)
Athugasemdir