Mudryk til Chelsea (Staðfest)
Mynd: Chelsea
Mynd: Chelsea
Úkraínumaðurinn Mykhailo Mudryk er genginn í raðir Chelsea en þetta staðfesti félagið rétt í þessu. Hann var kynntur fyrir stuðningsmönnum liðsins fyrir leik Chelsea og Crystal Palace
Allt stefndi í það að leikmaðurinn myndi ganga í raðir Arsenal en Arsenal og Shakhtar náðu ekki samkomulagi um kaupverð. Þá kom Chelsea inn í myndina en félagið borgaði 62 milljónir punda fyrir kappann.
Þá er sagt að 26,5 milljónir punda muni bætast við kaupverðið ef Chelsea vinnur Meistaradeildina eða ensku úrvalsdeildina á þessum sjö árum.
Mudryk er 22 ára en hann hefur átt frábært tímabil hjá Shakhtar og vakið mikla athygli í Meistaradeild Evrópu. Hann á að baki átta leiki fyrir landslið Úkraínu og þá hefur hann spilað með Shakhtar Donetsk, Arsenal Kyiv og Desna Chernihiv á sínum ferli.
Chelsea hefur verið í bullandi vandræðum á þessu tímabili en liðið er um miðja deild á Englandi. Stutt er síðan félagið fékk Joao Felix á lán út tímabilið frá Atletico Madrid en hann skellti sér strax í þriggja leikja bann í fyrsta leik.
Síðan er talað um Chelsea sé búið að bjóða 26,5 milljónir punda í hinn tvítuga Noni Madueke, vængmann PSV Eindhoven.
Mykhailo Mudryk has finalised his move from Shakhtar Donetsk after agreeing personal terms with the Blues. ????
— Chelsea FC (@ChelseaFC) January 15, 2023
