Sterkasta lið 11. umferðar - Sex liða fallbarátta

Það er í raun hægt að færa rök fyrir því að núna sé sex liða fallbarátta í Bestu deild kvenna þar sem það munar aðeins fjórum stigum á liðinu í fimmta sæti, Þrótti, og botnliðinu, sem er Þór/KA.

FH heldur í toppsætið eftir 6-1 sigur gegn Grindavík/Njarðvík í gær. Ída Marín Hermannsdóttir er í sterkasta liði umferðarinnar í sjötta sinn í sumar og Andrea Rán Snæfeld Hauksdóttir heldur áfram að spila frábærlega. Helena Errington lék mjög vel með FH í gær og var maður leiksins.

Breiðablik er í öðru sæti en þær unnu 4-1 sigur á Víkingi þar sem Líf Joostdóttir van Bemmel fór fyrir sínu liði. Kristín Dís Árnadóttir lék þá vel í vörninni hjá Blikum en stærsta augnablik leiksins var þegar hin 14 ára gamla Ólöf Margrét Marvinsdóttir fyrir Blika.

Stjarnan vann Þór/KA, 3-2, og heldur í við toppliðin en þar átti Hulda Hrund Arnarsdóttir mjög góða innkomu. Bríet Jóhannsdóttir átti góðan leik í Þór/KA en hún og Hulda spila sem sóknarsinnaðir bakverðir í sterkasta liði umferðarinnar.

Þá vann ÍBV 2-1 sigur á Val þar sem Allison Grace Lowrey og Olga Sevcova léku mjög vel.

Hlaðvarpsþátturinn Uppbótartíminn er í smá sumarfríi en snýr til baka með látum eftir helgi.