Ítalía: Torino lagði Empoli

Empoli er þremur stigum frá fallsæti en liðið hafði tækifæri á að jafna Parma, sem situr í 17. sæti, að stigum með sigri á Torino í kvöld.

Empoli fékk svo sannarlega tækifæri til að komast yfiir en Torino tókst að refsa og Nikola Vlasic skoraði eina mark leiksins um miðjan seinni hálfleikinn.

Empoli er því áfram þremur stigum frá öruggu sæti en Toriino er í 11. sæti með 38 stig eftir 29 umferðir.

Torino er ósigrað í síðustu fjórum leikjum en Empoli hefur aðeins nælt í eitt stig í síðustu sjö leikjum.