Ítalía: Alli fékk rautt í sínum fyrsta leik í rúm tvö ár

Dele Alli spilaði sinn fyrsta leik í rúm tvö ár í dag þegar hann kom inn á sem varamaður hjá Como þegar liðið tapaði gegn AC MIlan í ítölsku deildinni í kvöld.

Alli spilaði síðast leik með Besiktas á láni frá Everton í mars árið 2023.

Hann kom inn á sem varamaður þegar tíu mínútur voru eftir en fékk að líta rauða spjaldið í uppbótatíma fyrir að traðka á kálfanum á Ruben Loftus-Cheek, miðjumanni Milan. Stuttu síðar fékk Cesc Fabregas, stjóri Como, einnig rautt spjald.

Lucas Da Cunha kom Como yfir í fyrri hálfleik með skoti fyrir utan teiginn.

Christian Pulisic jafnaði metin snemma í seinni hálfleik eftiir sendingu frá Tijjani Reijnders inn á teiginn. Það var síðan Reijnders sem tryggði Milan sigurinn þegar stundafjórðungur var til loka venjulegs leiktíma.

Milan er í 7. sæti með 47 stig en Como er í 13. sæti með 29 stig eftir 29 umferðir.

Sjáðu brotið hjá Alli hér