Hörður Björgvin: Tileinka dóttur minni markið

Hörður Björgvin Magnússon, varnarmaður CSKA Moskvu, skoraði í sigri gegn Spartak Moskvu í grannaslag í rússnesku úrvalsdeildinni um helgina.

Hörður varð faðir í fyrsta skipti fyrr á þessu ári og hann tileinkaði markið dóttur sinni.

<i>„Þetta var risa sigur fyrir okkur. Ég er ánægður með að geta unnið þennan leik fyrir stuðningsmennina og fólkið sem gat ekki komið á völlinn út af reglum sem eru í gangi,"</I> sagði Hörður í viðtali eftir leik.

<i>„Ég vil tileinka dóttur minni markið en hún er heima (á Íslandi). Ég hlakka til að koma með fjölskylduna til Moskvu."</I>