ÍA tilkynnti í morgun að Haukur Andri Haraldsson hafi gert sinn fyrsta samning við félagið sem gildir út tímabilið 2024.
Haukur Andri, sem er 16 ára, var einu sinni í leikmannahóp ÍA í meistaraflokki í sumar og var nýverið valinn í fyrsta sinn í U17 landsliðið.
Hann er sonur Haraldar Ingólfssonar og Jónínu Víglundsdóttur sem bæði gerðu það gott með ÍA í gamla daga.
Systkyni hans hafa öll gert það gott í fótboltanum undanfarin ár. Unnur Ýr systir hans hefur skorað 49 mörk í 147 leikjum með ÍA, Tryggvi Hrafn bróðir hans er með Val og Hákon Arnar sem er hjá FC Kaupmannahöfn vakti mikla athygli með U21 landsliðinu í síðasta mánuði.
Haukur Andri Haraldsson semur við ÍA
— ÍA Akranes FC (@ia_akranes) October 15, 2021
Knattspyrnufélag ÍA hefur gert leikmannssamning við Hauk Andra Haraldsson út keppnistímabilið 2024. Haukur Andri, sem er 16 ára, var einu sinni í leikmannahóp ÍA í meistaraflokki í sumar og var nýverið valinn í fyrsta sinn í U17 landsliðið pic.twitter.com/D0JDdmkh83
Athugasemdir