Manchester United er að skoða að lána sænska framherjann Anthony Elanga, sem er vinstri kantmaður að upplagi, frá sér út tímabilið.
Everton sýndi Elanga fyrst áhuga og vill fá þennan efnilega leikmann á lánssamningi með kaupmöguleika. Núna hefur þýska stórveldið Borussia Dortmund bæst við kapphlaupið.
Dortmund er heimsfrægt fyrir að treysta mikið á unga og efnilega leikmenn - sem nota svo félagið oftar en ekki sem stökkpall til að koma sér á framfæri og fá betra samningstilboð frá stórliði. Það hjálpar félaginu oft að krækja í efnilega leikmenn því þeir vita að hjá Dortmund munu þeir fá tækifæri með aðalliðinu.
Samkvæmt Fabrizio Romano vill Elanga frekar vilja skipta yfir til Dortmund á lánssamningi, en það er Man Utd sem á lokaorðið.
Athugasemdir
