Þróttur R. tók á móti Val í Laugardalnum í kvöld og tók forystuna á 34. mínútu þegar Kári Kristjánsson kom boltanum í netið.
Heimamenn leiddu í leikhlé og tvöfaldaði Sigurður Steinar Björnsson forystuna snemma í síðari hálfleik.
Arnar Grétarsson gerði skiptingu í hálfleik og þrjár skiptingar eftir að Sigurður Steinar tvöfaldaði forystu heimamanna, en þær skiluðu sér ekki með marki. Lokatölur leiksins urðu 2-0 og batt Þróttur þannig enda á sigurhrinu Valsara sem höfðu unnið fyrstu tvo leikina sína.
Þróttarar eru með þrjú stig eftir tap gegn ÍR í fyrstu umferð.
Víkingur R. lagði þá Aftureldingu að velli og er með fjögur stig eftir jafntefli við Leikni R. í fyrstu umferð.
Helgi Guðjónsson skoraði fyrsta mark leiksins snemma og leiddu Víkingar 1-0 í hálfleik. Nikolaj Hansen lét til sín taka í síðari hálfleik og skoraði tvennu á þriggja mínútna kafla til að gera út um viðureignina.
Valdimar Þór Ingimundarson skoraði fjórða mark heimamanna á Víkingsvelli áður en Elmar Kári Cogic minnkaði muninn með fánamarki fyrir Aftureldingu.
Lokatölur 4-1 og er Afturelding með þrjú stig eftir þrjár umferðir.
Þróttur R. 2 - 0 Valur
1-0 Kári Kristjánsson ('34 )
2-0 Sigurður Steinar Björnsson ('57 )
Víkingur R. 4 - 1 Afturelding
1-0 Helgi Guðjónsson ('15 )
2-0 Nikolaj Andreas Hansen ('58 )
3-0 Nikolaj Andreas Hansen ('60 )
4-0 Valdimar Þór Ingimundarson ('68 )
4-1 Elmar Kári Enesson Cogic ('74 )
Athugasemdir