Ítalía: Bologna í stuði í fjórða sigrinum í röð - Dovbyk tryggði Roma stigin þrjú

Jens Odgaard kom Bologna á bragðið á 16. mínútu sem reyndist eina mark fyrri hálfleiksins. Lazio átti á meðan ekki eitt einasta skot á markið og var kannski von á því að liðið kæmi sterkara til leiks í þeim síðari en það varð ekki raunin.

Riccardo Orsolini og Dan Ndoye skoruðu tvö mörk á mínútu og þá gerðu þeir Santiago Castro og Giovanni Fabbian út um leikinn með tveimur mörkum á lokakaflanum.

Bologna kom sér upp í 4. sæti deildarinnar sigrinum á meðan Lazio datt niður í 6. sæti.

Artem Dovbyk skoraði þá sigurmark Roma sem vann Cagliari með einu marki gegn engu.

Boltinn datt fyrir Úkraínumanninn í teignum eftir hornspyrnu sem sneri þá baki í markið, en hann var fljótur að bregðast við og tókst að skora með fínu skoti.

Evrópubarátta Roma lifr enn góðu lífi en liðið er í 7. sæti með 49 stig, fjórum stigum frá Meistaradeildarsæti.

Bologna 5 - 0 Lazio
1-0 Jens Odgaard ('16 )
2-0 Riccardo Orsolini ('48 )
3-0 Dan Ndoye ('49 )
4-0 Santiago Castro ('74 )
5-0 Giovanni Fabbian ('84 )

Roma 1 - 0 Cagliari
1-0 Artem Dovbyk ('62 )