Ísland tók þrjú stig gegn Úkraínu í 1-0 leik á Laugardalsvelli en Emilía Kiær segir að liðið hafi getað fengið meira út úr leiknum. Nú tekur hins vegar við allt annað verkefni, stórleikur gegn Englandi á laugardaginn.
„Fyrst og fremst ánægðar með að fá þessi þrjú stig. Það var markmiðið okkar“
Hún viðurkennir þó að liðið hafi viljað meira út úr leiknum.
„Að við höfum ekki unnið stærra er kannski smá svona, við höfðum vonast til þess.“
Emilía segir sóknarleikinn gefa tilefni til bjartsýni.
„Að við getum skapað þessi færi, það er klárlega eitthvað sem við getum tekið áfram. Við getum bæði staðið mjög vel í vörn hátt á vellinum og lágt á vellinum.“
Hún bendir þó á að leikurinn gegn Englandi verði allt annars eðlis.
„Þetta eru allt öðruvísi leikir og það sem við getum tekið frá Úkraínuleiknum verður ekki alveg það sama og í Englandsleiknum.“
Föstu leikatriðin gætu reynst lykilatriði í komandi leikjum.
„Við erum mjög hættulegar í föstum leikatriðum. þannig bara að halda fókus á því og halda áfram að gera vel þar og gert betur.“
Að lokum kallar hún eftir stuðningi úr stúkunni.
„Bara mæta á laugardaginn, það verður geggjuð stemning og geggjaður leikur.“
Sjáðu viðtalið í heild í spilaranum hér að ofan
