Gabríel Snær til Elfsborg (Staðfest)
Gabríel búinn að gera þriggja ára samning við Elfsborg.
Mynd: Elfsborg
Gabríel búinn að gera þriggja ára samning við Elfsborg.
Mynd: Elfsborg
Gabríel Snær Gunnarsson mun í sumar ganga í raðir sænska félagsins Elfsborg frá ÍA. Sænska félagið kaupir Gabríel og skrifar hann undir þriggja ára samning við félagið. Fótbolti.net greindi frá yfirvofandi félagaskiptum Gabríels til Elfsborg fyrr í vetur.
Þeir Ari Sigurpálsson og Júlíus Magnússon eru leikmenn Elfsborg.
Þeir Ari Sigurpálsson og Júlíus Magnússon eru leikmenn Elfsborg.
TENGT EFNI
Elfsborg að kaupa Gabríel Snæ
Hann er U19 landsliðsmaður sem fæddur er 2008 og hefur verið iðinn við kolann með ÍA á undirbúningstímabilinu. Hann er sóknarmaður sem uppalinn er hjá ÍA og ÍBV. Faðir hans er markahrókurinn Gunnar Heiðar Þorvaldsson.
Félagaskiptin munu ganga í gegn 1. júlí og verður Gabríel hjá ÍA þangað til.
„Þetta eru afar gleðileg tíðindi fyrir bæði félagið og Gabríel Snæ, sem fær nú tækifæri til að stíga næstu skref á ferli sínum. Um leið er þetta mikil viðurkenning fyrir starf félagsins, en með þessum félagaskiptum verður Gabríel 13. leikmaðurinn sem ÍA selur erlendis á síðustu níu árum. Félagið mun njóta þess að sjá Gabríel í síðustu leikjum sínum fyrir ÍA í sumar áður en hann heldur utan í júlí," segir í tilkynningu ÍA.
Félagaskiptin munu ganga í gegn 1. júlí og verður Gabríel hjá ÍA þangað til.
„Þetta eru afar gleðileg tíðindi fyrir bæði félagið og Gabríel Snæ, sem fær nú tækifæri til að stíga næstu skref á ferli sínum. Um leið er þetta mikil viðurkenning fyrir starf félagsins, en með þessum félagaskiptum verður Gabríel 13. leikmaðurinn sem ÍA selur erlendis á síðustu níu árum. Félagið mun njóta þess að sjá Gabríel í síðustu leikjum sínum fyrir ÍA í sumar áður en hann heldur utan í júlí," segir í tilkynningu ÍA.
Gabríel með mönnum frá Elfsborg og Kjartani Henry FInnbogasyni, umboðsmanni sínum.
Mynd: Aðsend
