Íslenska kvennalandsliðið tók sigur gegn Úkraínu og að mati Hildar Antonsdóttur var margt jákvætt í leik liðsins. Nú tekur við stórleikur gegn Englandi þar sem hún segir mikilvægt að liðið sýni ákveðni.
„Mér fannst við stjórna leiknum vel og sköpuðum okkur mikið af færum og hálffærum. Við getum tekið margt vel úr þessum leik, hvernig við nýttum svæðin sem þær gáfu okkur.“
Hún segir að lítið hafi vantað upp á að liðið næði að skora fleiri mörk.
„Það munaði svo ótrúlega litlu að við næðum mörkum inn en við gefum Úkraínu það líka að þær eru mjög góðar í því að koma í veg fyrir mörk. Ég held að við þurfum kannski bara smá heppni.“
Fyrir leikinn gegn Englandi segir hún lykilatriði að halda ró á boltanum.
„Við getum alveg haldið í boltann betur á móti þeim. Við erum að verjast þannig að það er mikilvægt fyrir okkur að þegar við erum með boltann að hafa ró á honum. Svo við getum reynt að búa til einhver færi fyrir okkur á móti þeim og nýta þau færi.“
Hildur segir að liðið þurfi að setja tóninn snemma í leiknum.
„Við þurfum að vera ákveðnar á móti þeim. Við erum að verjast og leyfa þeim að finna fyrir því.“
„Við þurfum að vera smá leiðinlegar, láta þær finna fyrir því og keyra á þær.“
Að lokum kallar hún eftir stuðningi úr stúkunni.
„Bara komið á völlinn og styðjið okkur.“
Sjáðu viðtalið í heild í spilaranum hér að ofan.
