Brighton greiðir 9 milljónir punda fyrir hinn 23 ára gamla Bernardo, sem var mikið í kringum byrjunarliðið á tveimur árum hjá Leipzig.

Bernardo er miðjumaður að upplagi en var mikið notaður sem bakvörður hjá þýska félaginu. Þessi fjölhæfni gæti komið sér afar vel í enska boltanum.

„Við erum ótrúlega ánægðir með að krækja í Bernardo. Hann er sterkur varnarmaður og getur spilað bæði sem vinstri og hægri bakvörður," sagði Chris Hughton, stjóri Brighton.

Brighton endaði í 15. sæti úrvalsdeildarinnar á síðasta tímabili og hefur síðan þá krækt í markvörðinn Jason Steele, rúmenska sóknarmanninn Florin Andone og nígeríska landsliðsmanninn Leon Balogun.