Evrópa í dag - Stjarnan spilar í Færeyjum í beinni á Livey

Stjarnan og Vestri spila seinni leikinn í einvígum sínum í Evrópukeppni í kvöld.

Vestri heimsótti Qarabag til Aserbaísjan í síðustu viku og tapaði 3-0. Liðin mætast á heimavelli Þróttar í Laugardal í kvöld. Takist liðinu að snúa blaðinu við mætir Vestri CSKA Sofia frá Búlgaríu eða Derry City frá Norður Írlandi í næstu umferð forkeppni Evrópudeildarinnar. Annars mætir liðið annað hvort Norður Írlandi eða RFS frá Lettlandi í forkeppni Sambandsdeildarinnar.

Stjarnan vann frábæran 3-1 sigur á færeyska liðinu Víkingi frá Götu á Samsungvellinum í forkeppni Sambandsdeildarinnar í síðustu viku. Liðin mætast í Færeyjum klukkan 17 og verður leikurinn sýndur beint á Livey. Fari Stjarnan með sigur af hólmi mætir liðið annað hvort Differdange frá Lúxemborg eða Ilves frá Finnlandi í næstu umferð. Staðan er markalaus í því einvígi eftir fyrri leikinn í Lúxemborg.

Lærisveinar Sigurðar Ragnars Eyjólfssonar í NSÍ Runavik heimsækja Hamrun Spartans frá Möltu í seinni leik liðanna í forkeppni Sambandsdeildarinnar. Fyrri leiknum lauk með 1-1 jafntefli í Færeyjum. Alex Freyr Elísson var í byrjunarliði NSÍ en þurfti að fara meiddur af velli í fyrri hálfleik.