3. deild: Æsispennandi toppbarátta

Fjórir leikir voru á dagskrá í 3. deildinni í gærdag. Augnablik tók á móti Reyni Sandgerði í Fífunni. Þar komust gestirnir í 0-3 forystu í fyrri hálfleik.

Í seinni hálfleik sótti Kópavogsliðið í sig veðrið og skoraði Finnur Breki Finnsson tvívegis og minnkaði muninn í 3-2. Þar við sat og vann Reynir Sandgerði sterkan sigur og situr liðið nú í 2. sæti deildarinnar.

KH vann endurkomusigur gegn Hetti á Valsvellinum. Sveinn Þorkell Jónsson varð fyrir því óláni að setja boltann í eigið net en Hlíðarendafélagið svaraði með fjórum mörkum. KH er í 3. sæti deildarinnar en Höttur í því sjötta.

Þá vann Sindri 5-2 sigur á Árbæ á Höfn. Björn Daníel Sverrisson spilaði allan leikinn í liði Sindra.

Ýmir og KF skildu jöfn að í Kórnum og skoruðu liðin sitthvort markið. Kópavogsliðið leiddi lengst af en Jhoel Adrian Sarraude jafnaði metin fyrir KF á 87. mínútu.

Tindastóll vann sterkan sigur á KV á Sauðárkróki. Stólarnir komust í 3-0 stöðu en Vesturbæingar minnkuðu muninn í 3-2. Arnar Skúli Atlason lét reka sig af velli undir lok leiks en Króksarar héldu út manni færri.