Myndband: Skoraði beint eftir miðju í Þjóðadeildinni

Albanía vann Kasakstan 3-1 í Þjóðadeildinni í gær. Mark Kasakstan var hins vegar það sem vakti mesta athygli í leiknum.

Eftir að Albanía komst í 2-0 tók Kasakstan miðju og Aybol Abiken tók eftir því að Etrit Berisha var ekki klár í marki Albaníu.

Aybol skaut beint eftir miðjuna og skoraði.

Roy Keane, sérfræðingur ITV, var ekki hrifinn af tilburðum Berisha í markinu.

„Hvað er hann að gera? Þú myndir aldrei fyrirgefa honum fyrir þetta," sagði Keane.