Iker Casillas, fyrrum markvörður spænska landsliðsins, hefur ákveðið að bjóða sig fram sem forseti spænska knattspyrnusambandsins.
Hinn 38 ára gamli Casillas fékk hjartaáfall á æfingu hjá Porto í maí síðastliðnum og hefur ekki spilað fóbolta síðan þá.
Casillas ætlar nú að bjóða sig fram gegn sitjandi forseta Luis Rubiales. Líklegt er að kosningar fari fram í haust.
Casillas tilkynnti um framboð sitt á Twitter í dag og notaði myllumerkið #IkerCasillas2020.
„Saman munum við láta sambandið okkar verða það besta í heimsfótboltanum," sagði Casillas í dag en 23 þúsund aðilar hjá spænskum félögum hafa atkvæðisrétt í kjörinu.
Athugasemdir