Ribarski hefur opinberað hópinn sem tekur á móti Íslandi

Atanas Ribarski landsliðsþjálfari Búlgaríu hefur tilkynnt hópinn sem mætir Íslandi í Plovdiv þann 13. nóvember og svo Eistlandi í Tallinn þremur dögum síðar.

Athygli vekur að búlgörsku meistararnir í Levski Sofia eiga ekki fulltrúa í hópnum.

Ribarski velur þrjá nýliða en það eru markvörðurinn Plamen Andreev frá ungverska liðinu Debrecen, varnarmaðurinn Simeon Shishkov frá Ludogorets og framherjinn Georgi Lazarov frá Cherno More.

Ísland er á toppi riðilsins með átta stig en í komandi glugga leika strákarnir okkar einnig á heimavelli gegn Lúxemborg og er það síðasti leikur íslenska liðsins í riðlinum. Arnar Gunnlaugsson tilkynnir landsliðshóp sinn á morgun fyrir komandi leiki.