Myndi skipta Ballon d'Or fyrir Meistaradeildina

Hann myndi þó skipta verðlaunum út fyrir sigur í úrslitaleik Meistaradeildarinnar. Kane er 33 ára og var fyrsti Englendingurinn til að vinna Ballon d'Or síðan 2001. Þá er hann fyrsti leikmaður Bayern til að vinna kosninguna síðan Karl-Heinz Rummenigge 1981.

„Fótbolti er liðsíþrótt og fótboltamenn eru allir sólgnir í að vinna stærstu keppnirnar. Að vinna Ballon d'Or í síðustu viku var ein af bestu tilfinningum sem ég hef nokkurn tímann upplifað í mínu lífi," sagði Kane á fréttamannafundi fyrir afar spennandi stórleik FC Bayern gegn Atlético Madrid í Meistaradeildinni.

„Þrátt fyrir það þá veit ég að það væri ótrúlegt að vinna Meistaradeildina og geta fagnað því með liðsfélögunum og félaginu sjálfu. Ef ég þyrfti að velja þá myndi ég velja Meistaradeildina, en ég hef tækifæri til að vinna hvoru tveggja.

„Að vinna Ballon d'Or er magnað afrek en ég vil spila alla stærstu úrslitaleikina, ég vil spila úrslitaleik Meistaradeildarinnar og upplifa að vinna keppnina með strákunum."

Kane hefur einu sinni komist í úrslitaleik Meistaradeildarinnar, þegar Tottenham tapaði 2-0 gegn Liverpool 2019.

Kane talaði einnig um samningsmál og staðfesti að hann mun skrifa undir nýjan samning við Bayern á næstu dögum.