Ítalía: Lazio sigraði Emil og félaga í Udinese

Eina leik dagsins í ítölsku úrvalsdeildinni er nú lokið, þar mættust Lazio og Udinese.

Emil Hallfreðsson var í leikmannahópi Udinese í dag, en kom ekkert við sögu í leiknum. Hann er að stíga upp úr meiðslum.

Felipe Caicedo kom heimamönnum í Lazio yfir á 21. mínútu og þremur mínútum síðar var staðan orðin 2-0, þá varð Sandro leikmaður Udinese fyrir því óláni að skora sjálfsmark.

Lazio fer með sigrinum í sjöunda sæti deildarinnar. Udinese er að berjast við fallsvæðið, þremur stigum frá fallsæti í 16. sæti.