Porto hefur staðfest að félagið hefur samþykkt tilboð Arsenal í Fabio Vieira.
Kaupverðið er 38 milljónir punda en fjórar milljónir af því eru árangurstengdar. Það þarf að klára einhver smáatriði og má búast við því að félagsskipting gangi í gegn á næstu dögum.
Þessi 22 ára gamli Portúgali er mjög spennandi en hann lék 27 leiki fyrir Porto í deildinni á síðustu leiktíð, hann lagði upp 14 mörk og skoraði sex. Hann er sóknarsinnaður miðjumaður en getur líka spilað aftar og sem fölsk nía.
Vieira lék með U21 árs landsliði Portúgals í undankeppni EM en liðið valtaði yfir D riðil þar sem Ísland tryggði sér sæti í umspili með sigri á Kýpur á dögunum.
Vieira verður annar leikmaðurinn sem Arsenal fær í sumar. Áður voru kaupin á Marquinhos, 19 ára gömlu kantmanni frá Brasilíu.
Athugasemdir
