Rhian Brewster hefur skrifað undir nýjan langtímasamning við Liverpool sem heldur honum á Anfield til ársins 2023.
Framtíð hins stórefnilega framherja hefur verið nokkuð óljós en Brewster hefur nú bundið enda á þær vangaveltur með því að skrifa undir atvinnumannasamning.
Þessi 18 ára gamli leikmaður hefur hafnað áhugasömum félögum á borð við Borussia Monchengladbach og RB Leipzig til þess að vera áfram hjá Liverpool. Hann mun vera hluti af hópnum hjá Klopp á þessu tímabili.
„Þetta er frábært. Ég hef viljað gera þetta í mjög langan tíma og ég held að þetta sé rétta augnablikið fyrir mig og mína fjölskyldu. Ég hlakka til þess að komast í mitt besta form og spila nokkra leiki,” sagði Brewster.
🤙🤙
— Liverpool FC (@LFC) July 17, 2018
➡️ https://t.co/756XN5cQjA pic.twitter.com/H92fCbYEEo
Athugasemdir