ÍA gæti fengið hátt í hálfan milljarð við söluna á Hákoni
Hákon Arnar Haraldsson.
Mynd: Fótbolti.net - Hafliði Breiðfjörð
Hákon Arnar Haraldsson.
Mynd: Fótbolti.net - Hafliði Breiðfjörð
FC Kaupmannahöfn er að selja Hákon Arnar Haraldsson til Lille í Frakklandi fyrir rúmlega 2,5 milljarð íslenskra króna samkvæmt BT í Danmörku, eða 17 milljónir evra.
Hákon er sagður á leið í læknisskoðun hjá franska félaginu seinna í dag.
Hákon er sagður á leið í læknisskoðun hjá franska félaginu seinna í dag.
Þegar Hákon var seldur til FCK frá ÍA fyrir fjórum árum var samið um að ÍA fengi prósentu af næstu sölu Hákons. Samkvæmt heimildum Fótbolta.net hljóðar það ákvæði upp á 19,5%.
Það er þá um 489 milljónir íslenskra króna að ræða. Einhver hluti kaupverðs Lille er væntanlega árangurstengdar greiðslur og því líklegt að ÍA fái ekki alveg alla upphæðina greidda í einu.
Hákon er tvítugur Skagamaður sem hefur verið hjá FCK síðan 2019 og vakið mikla athygli. Hann hjálpaði liðinu að verða danskur meistari á liðnu tímabili. Hann er sóknarmiðjumaður sem hefur leikið ellefu landsleiki fyrir Ísland og skorað eitt mark.
Það er þá um 489 milljónir íslenskra króna að ræða. Einhver hluti kaupverðs Lille er væntanlega árangurstengdar greiðslur og því líklegt að ÍA fái ekki alveg alla upphæðina greidda í einu.
Hákon er tvítugur Skagamaður sem hefur verið hjá FCK síðan 2019 og vakið mikla athygli. Hann hjálpaði liðinu að verða danskur meistari á liðnu tímabili. Hann er sóknarmiðjumaður sem hefur leikið ellefu landsleiki fyrir Ísland og skorað eitt mark.
