mið 17. ágúst 2022 07:20
Ívan Guðjón Baldursson
Varamarkvörður Fram til Los Angeles á reynslu
Mynd: aðsend

Benjamín Jónsson er meðal varamarkvarða Fram á tímabilinu og er hann þessa stundina staddur í Los Angeles í Bandaríkjunum þar sem hann er á reynslu hjá Los Angeles FC.


Benjamín er markvörður annars flokks Fram og hefur áður spilað fótbolta í Bandaríkjunum þegar hann bjó þar. Hann spilaði þá í Suður-Kalíforníu og var fyrirliði síns liðs sem komst alla leið í úrslitakeppni í National Cup U16 ára liða.

Benni lék einn leik fyrir Fram í deildabikarnum 2020 en hefur ekki fengið að spreyta sig í keppnisleik með meistaraflokki síðan, enda er hann ekki einu sinni orðinn tvítugur.

Steve Cherundolo, goðsögn hjá Hannover og bandaríska landsliðinu, er aðalþjálfari hjá Los Angeles FC og má finna menn á borð við Giorgio Chiellini, Gareth Bale og Carlos Vela í leikmannahópi félagsins.


Athugasemdir
banner
banner
banner