Kamerún tryggði sinn fyrsta Afríkumeistaratitil

Kamerún tryggði sér sinn fyrsta Afríkumeistaratitil í kvennaflokki með sannfærandi sigri á Malaví í úrslitaleiknum í gær.

Marie Ngah Manga skoraði fyrsta markið áður en Naomi Eto tvöfaldaði forystuna. Eto skapaði svo þriðja markið í uppbótartíma fyrri hálfleiks fyrir Manga, svo staðan var 3-0 í leikhlé er þjóðirnar mættust í Rabat, höfuðborg Marokkó.

Hvorugu liði tókst að bæta við marki í síðari hálfleik svo lokatölur urðu 3-0. Malaví var að keppa í sinni fyrstu Afríkukeppni í kvennaflokki og komst alla leið í úrslitaleikinn þökk sé systrunum öflugu Tabitha og Temwa Chawinga.

Kamerún gerði vel að halda systrunum niðri til að tryggja sögulegan sigur.