„Hann er veikur þessa stundina, það er ekki auðvelt að hlusta á gagnrýnina, hann hefur gert svo mikið fyrir félagið og bjargaði okkur á síðasta tímabili. Hann er frábær markaskorari og mér finnst við ekki geta gagnrýnt leikmann eins og Auba út af gengi hans að undanförnu," sagði Lacazette við Sky Sports.

„Mér finnst hann ekki hafa verið það slakur að undanförnu og mér finnst sumir vera of harðir við hann," sagði Lacazette.

Arsenal mætir Fulham í leik sem hefst klukkan 12:30. Aubameyang hefur ekki tekið þátt í síðustu tveimur leikjum Arsenal vegna veikinda. Hann skoraði síðast fyrir Arsenal gegn Burnley þann 6. mars.