Khazri sem er landsliðsmaður Túnis hefur skipt yfir til Frakklands en honum tókst aðeins að spila 42 leiki á þremur tímabilum fyrir Sunderland.

Khazri var á láni hjá Rennes á síðasta tímabili þar sem hann skoraði 9 mörk í 27 leikjum er liðið tryggði sér sæti í Evrópudeildinni á næsta tímabili.

Form leikmannsins á síðasta tímabili ásamt árangri hans á HM í Rússlandi fyrir Túnis þar sem hann skoraði tvö og lagði upp tvö önnur var nóg til þess að sannfæra Saint-Etienne um að kaupa leikmanninn. Hann skrifar undir fjögurra ára samning en kaupverðið er talið vera um 6 milljónir punda.