Lengjudeild kvenna: Markalaust á Selfossi

Selfoss tók á móti FHL í fyrsta leik dagsins í Lengjudeild kvenna og þurftu heimastelpur á sigri að halda í toppbaráttunni.

Selfyssingum tókst ekki að skora gegn gestunum frá Austfjörðum og hélst staðan markalaus allan tímann.

Selfoss fékk gott færi í síðari hálfleik en marktilraun heimakvenna fór af varnarmanni og rétt yfir markslána, meðan markvörður FHL var úr leik eftir misheppnað úthlaup.

Selfoss er í þriðja sæti deildarinnar með 23 stig eftir 14 umferðir. Liðið er jafnt KR á stigum, en Vesturbæingar eiga leik til góða.