Fatma Kara og Kristjana Sigurz í ÍBV (Staðfest)

Fatma hefur leikið hér á landi með HK/Víking en hún á að baki 35 landsleiki fyrir Tyrkland.

Kristjana kemur hinsvegar á láni frá Breiðablik en hún á að baki 15 unglingalandsleiki og þykir mjög efnilegur leikmaður en hun hefur undanfarin ár spilað með Augnabliki í Inkasso og 2. deildinni.

„ÍBV eru einnig búnar að semja við þýskan miðjumann og munu svo á næstu dögum undirrita samninga við tvo bandaríska leikmenn. ÍBV stefna að því að bæta við sig enn fleiri leikmönnum á næstu vikum," segir í fréttatilkynningu ÍBV.

Sonja Ruiz skrifaði undir samning um áframhaldandi starf sem nuddari liðsins.

Þá kemur einnig fram í fréttatilkynningunni frá ÍBV að Clara Sigurðardóttir er samningsbundin ÍBV út næsta leiktímabil.

Eins og áður hefur komið fram er Andri Ólafssson þjálfari liðsins, Birkir Hlynsson aðstoðarþjálfari og Þorsteinn Magnússon verður markmannsþjálfari.