Leikmenn Fylkis voru sakaðir um kynþáttaníð í garð leikmanna Vestra af Davíð Smára Lamude, þjálfara Vestra, eftir leik liðanna í Bestu deildinni í gær.
Davíð Smári sagði eftirfarandi í viðtali við Stöð2Sport/Vísi: „Það eru hlutir sem gerast hérna í dag fyrir utan fótboltann sem sitja í manni. Ummæli frá leikmönnum Fylkis, rasísk ummæli í garð minna leikmanna, sem ég er ekki sáttur með."
Davíð Smári sagði eftirfarandi í viðtali við Stöð2Sport/Vísi: „Það eru hlutir sem gerast hérna í dag fyrir utan fótboltann sem sitja í manni. Ummæli frá leikmönnum Fylkis, rasísk ummæli í garð minna leikmanna, sem ég er ekki sáttur með."
„Við erum að vinna þetta innan okkar raða, þurfum smá tíma í það og fá frið til þess, komum vestur í nótt," sagði Jón Háldán Pétursson við Fótbolta.net. Hann er framkvæmdastjóri Vestra.
Davíð Smári talaði í fleirtölu um bæði leikmenn Vestra og leikmenn Fylkis. Einn er einum of mikið, en var meira en einn leikmaður Fylkis með kynþáttaníð og varð meira en einn fyrir því?
„Ég á eftir að ná utan um það. Við fórum af stað heim strax eftir leik, á eftir að ná utan um leikmenn og ræða við þá. Það mun koma yfirlýsing frá okkur í dag. Ég þarf að ná yfir þetta mál," sagði Jón Hálfdán.
Stjórn Fylkis er meðvituð um stöðuna og er von á svörum þaðan. Þá ræddi starfsfólk KSÍ um málið í morgun en það var ekki formlega komið inn á borð til sambandsins þegar Fótbolti.net ræddi við yfirmann fótboltamála fyrr í dag.
Athugasemdir
