Gianfranco Zola hefur verið ráðinn sem aðstoðarþjálfari Maurizio Sarri hjá Chelsea.
Zola snýr aftur til Chelsea eftir að hafa skorað 80 mörk fyrir félagið á sjö árum í kringum aldamótin. Hann er dáður af stuðningsmönnum félagsins.
Eftir atvinnumannaferilinn tók Zola við West Ham og hefur einnig stýrt Watford og Birmingham í enska boltanum. Þá nældi hann sér í reynslu úr ítalska boltanum með Cagliari og katarska boltanum með Al-Arabi.
Sarri og Zola eiga ansi erfitt verk fyrir höndum þar sem mikil pressa er á þeim fyrir tímabilið.
Athugasemdir