Ísland í dag - Spennandi lokametrar í neðri deildum

Átjánda umferð tímabilsins fer fram í kvöld og mæta öll liðin til leiks. Í 2. deildinni eru sex leikir sem fara fram á sama tíma enda er spennandi barátta framundan.

Haukar eru í frábærri stöðu á toppi deildarinnar með sex stiga forystu á Selfoss og geta farið langleiðina með að tryggja sér sæti í Lengjudeildinni með sigri gegn Kormáki/Hvöt er liðin mætast á Blönduósi.

Selfoss getur að sama skapi komið sér í afar þægilega stöðu með sigri gegn Kára, en þrjú stig skilja að á milli liðanna í toppbaráttunni.

Í fallbaráttunni eigast Hvíti riddarinn og KFG við í gríðarlega mikilvægum slag.

Í þriðju deild er talsvert meiri samkeppni. Fjögur lið eru að berjast um tvö efstu sætin á meðan sjö lið eiga enn möguleika á því að falla. KV er því eina liðið í allri 3. deildinni sem siglir lygnan sjó með fimm umferðir eftir óspilaðar.

2. deild karla
18:00 Hvíti riddarinn-KFG (Malbikstöðin að Varmá)
18:00 Fjölnir-KFA (Extra völlurinn)
18:00 Selfoss-Kári (JÁVERK-völlurinn)
18:00 Víkingur Ó.-Þróttur V. (Ólafsvíkurvöllur)
18:00 Dalvík/Reynir-Magni (Dalvíkurvöllur)
18:00 Kormákur/Hvöt-Haukar (Blönduósvöllur)

3. deild karla
18:00 Reynir S.-KH (Brons völlurinn)
18:00 Höttur-Sindri (Rafey-völlurinn)
18:00 Árbær-Víðir (Fagrilundur - gervigras)
18:00 KF-Tindastóll (Ólafsfjarðarvöllur)
19:15 KV-Augnablik (KR-völlur)
19:15 KÁ-Ýmir (BIRTU völlurinn)