Sjáðu glæsimörkin þrjú í Lengjudeildinni - „Hljómar betur þegar ég segi frá því“

Kári Steinn Hlífarsson skoraði með skoti frá miðjuboganum í stórsigri Leiknis gegn Ægi.

„Mér datt í hug að skjóta því markmaðurinn var staðsettur langt frá markinu. Fannst ég hitta boltann nokkuð vel en þetta var samt alveg skrýtið mark sem hljómar betur þegar ég segi frá því heldur en það var. Fær annars Axel Freyr ekki örugglega frétt fyrir þrennuna sína líka?,“ sagði Kári léttur í samtali við Fótbolta.net aðspurður um markið.

Ótrúlegt mark hjá Kára Stein gegn Ægi ???? pic.twitter.com/x21xDqBb7z

— Livey (@liveyevents) August 19, 2026

Þá skoraði Sigurður Egill Lárusson frábært mark í stórleik Þróttar gegn Fylki í Laugardalnum.

Sigurður var að snúa aftur eftir meiðsli, „Hann byrjaði á því að stimpla sig inn með því að kontra hann í skeytinn,“ sagði Sigurvin Ólafsson, þjálfari Þróttar, í viðtali eftir leik.

Siggi Lár skoraði mark sem á skilið að fá smá ást. Alvöru Samúel á móti Fylki. pic.twitter.com/kulPQDLJH7

— Livey (@liveyevents) August 18, 2026

Þá skoraði Breki Hólm Baldursson huggulegt mark gegn Aftureldingu á Malbikstöðinni að Varmá.

„Breki fær boltann langt fyrir utan teig, enginn Mosfellingur sem mætir. Hann leggur boltann fyrir sig og klínir honum í samskeytin fjær! Alvöru mark í fyrsta byrjunarliðsleiknum fyrir HK,“ segir í textalýsingu leiksins en Breki kom til HK á láni frá KA í sumarglugganum.

Breki Hólm. Take a bow son ????
Það voru nokkur glæsileg mörk í Lengjudeildunum í vikunni. ???? pic.twitter.com/EpKBLFZmAQ

— Livey (@liveyevents) August 19, 2026