Sjáðu svakalega þrennu Köru Guðmunds - „Hvað er að gerast?“

Kara Guðmundsdóttir skoraði glæsilega þrennu í stórsigri KR á útivelli gegn Keflavík í Lengjudeild kvenna í gær.

Mörkin úr leiknum má sjá hér að neðan. Fyrsta mark Köru var glæsilegt en það þriðja var enn glæsilegra. Hún lék listilega á mótherja sína áður en hún skoraði og innsiglaði þrennu í fyrri hálfleik.

„Hvað er að gerast? Guð minn almáttugur, hvað var þetta?" sagði Hörður Ágústsson sem lýsti leiknum beint á Livey þegar Kara gerði þriðja markið.

Kara, sem fædd er árið 2010, er dóttir Gumma Ben og Kristbjargar Helgu Ingadóttur. KR er í öðru sæti eftir sigurinn, með 26 stig eftir 14 umferðir.