Vilja rifta við Arthur

Arthur er 30 ára gamall og samdi við Juventus sumarið 2020 þegar hann kom í umdeildum skiptum við Barcelona þar sem Miralem Pjanic fór í hina áttina.

Arthur lék 63 leiki á tveimur fyrstu árunum hjá Juventus en hefur síðan þá leikið fyrir Fiorentina, Girona og Gremio á lánssamningum.

Miðjumaðurinn varnarsinnaði hefur verið byrði á launastrúktúr Juve síðustu ár en ekki er víst að hann samþykki að binda enda á samninginn, enda ómögulegt fyrir hann að fá sömu laun hjá öðru félagi á þessum tímapunkti ferilsins.

Arthur á 22 landsleiki að baki fyrir Brasilíu en hefur ekki leikið fyrir þjóð sína síðan 2022.