Lið vikunnar í enska - Þrír úr Liverpool

Heurelho Gomes (Watford) - Varði nokkrum sinnum frábærlega í sigrinum á Man Utd í gær.

Seamus Coleman (Everton) - Skoraði laglegt mark gegn Middlesbrough.

Scott Dann (Crystal Palace) - Skoraði og lék vel í 4-1 sigri Crystal Palace á Stoke.

Joel Matip (Liverpool) - Var eins og klettur í vörninni og átti besta sendingarhlutfallið í sigri Liverpool á Chelsea.

Jan Vertonghen (Tottenham) - Var í nýju hlutverki í bakverðinum og skilaði því frábærlega.

Jordan Henderson (Liverpool) - Gerir tilkall í mark tímabilsins strax í fimmtu umferð. Skoraði með frábæru langskoti gegn Chelsea.

Adam Lallana (Liverpool) - Vinnusamur á miðjunni gegn Chelsea.

Nader Chadli (WBA) - Skoraði tvö og lagði upp tvö gegn West Ham. Góður dagur hjá honum.

Kevin De Bruyne (Manchester City) - Skoraði og lagði upp í auðveldum 4-0 sigri City á Bournemouth.

Raheem Sterling (Man City) - Gerði það sama og De Bruyne. Eitt mark og ein stoðsending.

Islam Slimani (Leicester) - Stimplaði sig inn í ensku úrvalsdeildina með tveimur mörkum í fyrsta leik.