Championship: Skoraði og sá rautt eftir að hafa fórnað sér fyrir liðið

Stoke City vann frækinn 2-1 endurkomusigur á Sheffield United.
Kalvin Phillips, sem kom aftur til Sheffield á láni frá Manchester City í sumar, kom gestunum yfir á 51. mínútu en þeir glutruðu forystunni niður á lokakaflanum.

Jack McGlynn jafnaði á 78. mínútu og Sam Gallagher skoraði sigurmarkið átta mínútum síðar. Stoke er í 5. sæti með 13 stig en Sheffield United í 15. sæti með níu stig.

West Ham kom sömuleiðis til baka eftir að hafa lent 2-0 undir gegn Millwall og tryggði sér 2-2 jafntefli.

Caleb Taylor og Camiel Neghli komu Millwall í tveggja marka forystu í fyrri hálfleik en Hamrarnir svöruðu með tveimur mörkum á sex mínútna kafla í þeim síðari. Mohamadou Kante minnkaði muninn á 74. mínútu og Kostas Mavropanos jafnaði sex mínútum síðar.

Kante sá svo beint rautt spjald undir lok leiks þegar hann fórnaði sér fyrir liðið. Framherji Millwall var sloppinn í gegn en Kante hljóp hann uppi og reif hann niður rétt fyrir utan teiginn.

Jafntefli varð niðurstaðan og West Ham situr á toppnum með 15 stig en Millwall er í 10. sæti með 11 stig.

Cardiff City 3 - 1 Charlton Athletic
1-0 Jack Moylan ('8 )
2-0 Yousef Salech ('24 )
2-1 Tyreece Campbell ('29 )
3-1 Jack Moylan ('61 )

Millwall 2 - 2 West Ham
1-0 Caleb Taylor ('16 )
2-0 Camiel Neghli ('45 )
2-1 Mohamadou Kante ('74 )
2-2 Konstantinos Mavropanos ('80 )
Rautt spjald: Mohamadou Kante, West Ham ('89)

Stoke City 2 - 1 Sheffield Utd
0-1 Kalvin Phillips ('51 )
1-1 Jack McGlynn ('78 )
2-1 Sam Gallagher ('86 )