19.09.26 - 16:23
Brynjar Ingi Erluson
Glódís og Bayern áfram með fullt hús eftir sigur í Íslendingaslag - Diljá á skotskónum
Glódís Perla og Bayern ætla sér að verja skjöldinn fræga
Mynd: EPA
Diljá Ýr skoraði fyrir Brann
Mynd: Brann
Glódís Perla og Bayern ætla sér að verja skjöldinn fræga
Mynd: EPA
Glódís Perla Viggósdóttir og Bayern München eru með fullt hús stiga á toppi þýsku deildarinnar eftir 5-2 sigur á Söndru Maríu Jessen og stöllum hennar í Köln.
Fyrirliði landsliðsins var á sínum stað í vörn Bayern og Sandra lék í bakverðinum hjá Köln. Sædís Rún Heiðarsdóttir var hins vegar ekki í leikmannahópi Köln í dag.
Bayern komst í 3-0 forystu á fyrstu fimmtán mínútunum en Köln náði að minnka muninn með tveimur mörkum sitt hvoru megin við hálfleikinn. Bæjarar gerðu síðan endanlega út um leikinn með tveimur mörkum á þriggja mínútna kafla um miðbik síðari hálfleiks.
Bayern er með fullt hús stiga eftir fimm leiki en Köln er með níu stig í 4. sæti.
Diljá Ýr Zomers var á skotskónum með Brann sem vann 4-0 sigur á Bodö/Glimt.
Framherjinn byrjaði á bekknum en kom inn á þegar stundarfjórðungur var til leiksloka og skoraði fjórða og síðasta markið aðeins þremur mínútum síðar.
Brann er á toppnum með 44 stig, sjö stigum meira en Álasund sem er í öðru sæti.
Thelma Karen Pálmadóttir byrjaði hjá Häcken sem vann 3-0 sigur á Eskilstuna og er nú með fimm stiga forystu á toppi sænsku deildarinnar.
Heiða Ragney Viðarsdóttir var í liði Eskilstuna sem er í 6. sæti með 27 stig.
Eyrún Embla Hjartardóttir var, eins og venjulega, í byrjunarliði varaliðs Häcken sem tapaði 2-0 fyrir Trelleborg í B-deildinni. Varalið Häcken er á botninum með sjö stig.
Bayern komst í 3-0 forystu á fyrstu fimmtán mínútunum en Köln náði að minnka muninn með tveimur mörkum sitt hvoru megin við hálfleikinn. Bæjarar gerðu síðan endanlega út um leikinn með tveimur mörkum á þriggja mínútna kafla um miðbik síðari hálfleiks.
Bayern er með fullt hús stiga eftir fimm leiki en Köln er með níu stig í 4. sæti.
Diljá Ýr Zomers var á skotskónum með Brann sem vann 4-0 sigur á Bodö/Glimt.
Framherjinn byrjaði á bekknum en kom inn á þegar stundarfjórðungur var til leiksloka og skoraði fjórða og síðasta markið aðeins þremur mínútum síðar.
Brann er á toppnum með 44 stig, sjö stigum meira en Álasund sem er í öðru sæti.
Thelma Karen Pálmadóttir byrjaði hjá Häcken sem vann 3-0 sigur á Eskilstuna og er nú með fimm stiga forystu á toppi sænsku deildarinnar.
Heiða Ragney Viðarsdóttir var í liði Eskilstuna sem er í 6. sæti með 27 stig.
Eyrún Embla Hjartardóttir var, eins og venjulega, í byrjunarliði varaliðs Häcken sem tapaði 2-0 fyrir Trelleborg í B-deildinni. Varalið Häcken er á botninum með sjö stig.
Diljá Ýr skoraði fyrir Brann
Mynd: Brann
