Southampton tók forystuna í fyrri hálfleik og ákvað Tuchel að skipta Tammy Abraham af velli í leikhlé og kom Hudson-Odoi inn í hans stað.

Chelsea jafnaði skömmu síðar en Tuchel var ekki sáttur með frammistöðu Hudson-Odoi og sendi hann aftur á bekkinn á 76. mínútu til að gera pláss fyrir Hakim Ziyech.

Hudson-Odoi spilaði því frá 45. til 75. mínútu leiksins.

„Ég var ekki ánægður með líkamstjáninguna hans. Hann var ekki sannfærandi á boltanum, hann virðist ekki vera tilbúinn til að leggja sitt af mörkum. Þetta er erfitt fyrir hann en á morgun verður þetta gleymt," sagði Tuchel að leikslokum.