Guðlaugur Victor að ganga til liðs við Schalke

Guðlaugur Victor, sem varð þrítugur í lok apríl, hefur verið burðarstólpur í B-deildarliði Darmstadt síðustu ár og þá komið sér í mjög mikilvægt hlutverk í íslenska landsliðinu.

Schalke, sem féll úr þýsku úrvalsdeildinni á dögunum, hefur sýnt leikmanninum mikinn áhuga síðustu vikur en nú greinir Vísir frá því að Guðlaugur sé á leið þangað frá Darmstadt.

Darmstadt og Schalke hafa komist um samkomulag á kaupverði en Schalke greiðir 500 þúsund evrur fyrir Guðlaug.

Stefna Schalke er beint aftur upp eftir hræðilegt tímabil en liðið er langneðst í deildinni með 16 stig og hefur unnið aðeins þrjá leiki þegar ein umferð er eftir.