Úrvalslið fyrstu umferðar HM - Ógnvænlegir sóknarmenn

Lionel Messi er að sjálfsögðu í liðinu og er leikmaður fyrstu umferðar eftir að hafa skorað öll þrjú mörk Argentínu í 3-0 sigri gegn Alsír. Messi er hluti af ógnvænlegum sóknarkrafti úrvalsliðsins.

Kylian Mbappe varð markahæsti landsliðsmaður Frakka frá upphafi þegar hann skoraði þrennu í 3-1 sigri gegn Senegal. Dayot Upamecano er einnig í úrvalsliðinu.

Erling Haaland skoraði tvö mörk fyrir Noreg í 4-1 sigri gegn Írak og önnur Skandinavíuþjóð, Svíþjóð, á einnig fulltrúa í liðinu. Það er Yasin Ayari sem skoraði tvennu í 5-1 sigri gegn Túnis.

Hinn eftirsótti 19 ára gamli Yan Diomande átti frábæran leik þegar Fílabeinsströndin vann Ekvador 1-0. Hinn eldsnöggi Wilfried Singo fær líka sæti í úrvalsliðinu.

Ayyoub Bouaddi, 18 ára gamall leikmaður Lille, stýrði miðsvæðinu þegar Marokkó gerði 1-1 jafntefli gegn Brasilíu. Hrikalega spennandi leikmaður.

Harry Souttar, leikmaður Leicester, nýtti hraða sinn og kraft vel í vörn Ástralíu sem vann frábæran 2-0 sigur gegn Tyrklandi.

Fulltrúi Bandaríkjanna er vinstri bakvörðurinn Antonee Robinson, bakvörður Fulham, sem var eins og rennihurð upp og niður kantinn í 4-1 sigri gegn Paragvæ.

Aldurforseti liðsins er hinn 40 ára gamli markvörður Grænhöfðaeyja, Vozinha. Hann var maður leiksins í markalausu jafntefli gegn Spáni. Ein óvæntustu úrslit HM sögunnar.

Þjálfari liðsins er svo Thomas Tuchel en England vann 4-2 sigur gegn Króatíu.

Varamannabekkur:
Mohammed Al Owais (m) - Sádi-Arabía
Ramin Rezaeian - Íran
Amir Murillo - Panama
Jordan Bos - Ástralía
Pico Lopes - Grænhöfðaeyjar
Abdulelah Al-Amri - Sádi-Arabía
Weston McKennie - Bandaríkin
Emam Ashour - Egyptaland
Hwang In-beom - Suður-Kórea
Elijah Just - Nýja-Sjáland
Folarin Balogun - Bandaríkin
Harry Kane - England