Kvaddi með marki - „Vildum gera betur fyrir fólkið okkar hérna á Akureyri"

„Það var smá óreiða, mig langaði að skila mér á fjær og sá boltann koma fyrir, boltinn fór í sköflunginn og það skilaði marki. "

Bríet hefur skorað í tveimur leikjum í röð. Hvað breyttist hjá henni?

„Ég er komin á kantinn og nýt mín þar mjög vel. Ég hef verið alla yngri flokkana á kanti og mér finnst skemmtilegt að vera þar."

Þór/KA hefur unnið þrjá af síðustu fjórum leikjum og tekið tíu stig úr síðustu fimm leikjum. Hvað breyttist eftir erfiða byrjun?

„Við ákvaðum bara að rífa okkur í gang, settumst niður og fórum yfir hvaða gildi við í Þór/KA vildum standa fyrir. Við vildum gera betur fyrir fólkið okkar hérna á Akureyri. Það er erfitt í KA og erfitt í Þór og sama með okkur. Við vildum aðeins rífa okkur í gang og loksins erum við búin að gera það sem ég er mjög stolt af."

Bríet er nú á leið til Bandaríkjanna í háskólanám og spilar ekki meira í sumar. „Það er bara spennandi og ég er ótrúlega spennt ða fylgjast með stelpunum hérna á Akureyri. Ég veit að þær munu komast upp úr þessari fallbaráttu," segir Bríet að lokum.