Brisard dæmir í B-deildinni eftir spjaldagleðina í tapi PSG
Neymar fékk tveggja leikja bann fyrir sinn þátt í slagsmálunum.
Mynd: Getty Images
Neymar fékk tveggja leikja bann fyrir sinn þátt í slagsmálunum.
Mynd: Getty Images
Franski dómarinn Jerome Brisard hefur fengið mikla gagnrýni fyrir að <a href="https://fotbolti.net/news/13-09-2020/neymar-og-fjorir-adrir-fengu-rautt-thegar-marseille-lagdi-psg" target="_blank">missa tökin á stórleik Marseille og PSG</a> í frönsku deildinni í síðustu viku.
Marseille vann 1-0 en dómarinn gaf tólf gul spjöld áður en allt sauð uppúr í uppbótartíma. Þar fengu fimm leikmenn að líta rauða spjaldið eftir að átök brutust út á milli leikmanna. Þar á meðal voru Neymar, Leandro Paredes og Jordan Amavi.
Brisard mun dæma í frönsku B-deildinni í næstu umferð og er verið að skoða að færa hann niður um deild þar sem þetta er ekki í fyrsta sinn sem hann þykir taka rangar ákvarðanir í leik hjá PSG.
Hann var mikið í umræðunni í febrúar þegar hann gaf Neymar gult spjald fyrir að sýna vanvirðingu þegar hann lék á andstæðing.
Brisard mun dæma í frönsku B-deildinni í næstu umferð og er verið að skoða að færa hann niður um deild þar sem þetta er ekki í fyrsta sinn sem hann þykir taka rangar ákvarðanir í leik hjá PSG.
Hann var mikið í umræðunni í febrúar þegar hann gaf Neymar gult spjald fyrir að sýna vanvirðingu þegar hann lék á andstæðing.
