Rúnar Alex Rúnarsson var ekki í leikmannahópi Dijon er liðið tapaði 1-0 gegn Strasbourg í franska boltanum í dag.
Rúnar Alex er vanalega á bekknum en hann er á leið til Arsenal í enska boltanum og því ekki í hópi í dag.
Paris Saint-Germain virðist þá vera búið að ná sér eftir erfiða byrjun á tímabilinu. Frakklandsmeistararnir margföldu töpuðu fyrstu tveimur leikjum sínum en höfðu betur á útivelli gegn Nice í dag.
Þetta var annar sigur PSG í röð og er liðið með sex stig eftir fjórar umferðir, fjórum stigum eftir toppliði Rennes.
Kylian Mbappe, Angel Di Maria og Marquinhos skoruðu mörk PSG í dag og var eitt mark dæmt af Mbappe vegna rangstöðu.
Nice 0 - 3 PSG
0-1 Kylian Mbappe ('38, víti)
0-2 Angel Di Maria ('45)
0-3 Marquinhos ('66)
Strasbourg 1 - 0 Dijon
1-0 Stefan Mitrovic ('81)
Athugasemdir