Daníela lagði upp tvö og nýliðarnir áfram í titilbaráttu - Guðný með mikilvæga stoðsendingu

Landsliðskonan kom til Newcastle frá Madrid í sumar og ætlar enska félagið sér greinilega stóra hluti.

Hildur kom inn af bekknum í síðari hálfleik í þægilegum sigri liðsins en Newcastle hefur unnið alla þrjá leiki sína á tímabilinu til þessa.

Guðný Árnadóttir lagði upp mikilvægt jöfnunarmark Kristianstad í 2-2 jafntefli gegn Piteå í sænsku úrvalsdeildinni.

Alexandra Jóhannsdóttir byrjaði hjá Kristianstad en Guðný og Elísa Lana Sigurjónsdóttir komu inn á í síðari hálfleik. Þegar um fjórar mínútur voru eftir lagði Guðný upp fyrir Sadie Sider-Echenberg sem skoraði sitt annað mark í leiknum.

Kristianstad er í 5. sæti deildarinnar með 29 stig en Nik Chamberlain stýrir liðinu.

Sigdís Eva Bárðardóttir kom inn á sem varamaður í 2-1 sigri Norrköping á Rosengård. Þetta var öflugur sigur hjá Norrköping sem er í næstneðsta sæti með 16 stig, aðeins einu stigi á eftir Rosengård.

Daníela Dögg Guðnadóttir átti frábæra innkomu af bekknum í 4-1 sigri Álasunds á Molde í norsku úrvalsdeildinni.

Álasund, sem er nýliði, hefur komið verulega á óvart á tímabilinu og er í harðri titilbaráttu við Brann.

Daníela kom inn af bekknum í stöðunni 1-1 og lagði upp tvö mörk sem hjálpuðu Álasundi að tryggja sér stigin þrjú. Liðið er í 2. sæti með 40 stig, fjórum stigum frá toppnum.

Sóley Edda Ingadóttir kom inn af bekknum hjá Molde sem er í 7. sæti með 18 stig.