Spánn: Atlético vann Madrídarslaginn - Huijsen sá rautt

Real Madrid hafði farið vel af stað undir stjórn Jose Mourinho og unnið fimm leiki en aðeins tapað einum.

Spennan lét ekki á sér standa og var mikið harka í fyrri hálfleiknum. Spjöldin fóru á loft og minna fór fyrir skemmtilegum fótbolta.

Í hálfleik fengu svo tveir úr þjálfarateymum liðanna að líta rauða spjaldið.

Það dró síðan til tíðinda snemma í síðari hálfleik þegar Dean Huijsen reif Giuliano Simeone niður í teignum. Vítaspyrna var dæmd og Huijsen rekinn af velli.

Alex Grimaldo skoraði úr vítaspyrnunni og sex mínútum síðar bætti kanadíski framherjinn Jonathan David öðru marki við eftir stoðsendingu frá Simeone.

Atlético fékk síðan færi til að bæta við. Thibaut Courtois varði frábærlega frá Cuti Romero eftir hornspyrnu og í kjölfarið bjargaði Ibrahima Konate á línu.

Stundarfjórðungi fyrir leikslok slapp Yan Diomande í gegn og lét vaða, en Jan Oblak sá við honum.

Real Madrid náði að klóra í bakkann á 89. mínútu með skalla Antonio Rüdiger eftir aukaspyrnu Bernardo Silva, en tíu menn Real komust ekki lengra og lokatölur 2-1 fyrir Atlético.

Mikill skellur fyrir Real sem er, líkt og Atlético, fimm stigum á eftir toppliði Barcelona.

Atletico Madrid 2 - 1 Real Madrid
1-0 Alejandro Grimaldo ('53 , víti)
2-0 Jonathan David ('59 )
2-1 Antonio Rudiger ('89 )
Rautt spjald: Dean Huijsen, Real Madrid ('50)

Getafe 1 - 0 Malaga
1-0 Ivan Azon ('85 )